يابه السلام عليكم وصلت إلى نهاية التحدي! وصلت إلى نهاية اكثر شهر جان مميز بحياتي وصلت النهاية الشهر الي ماراح انسى طول عمري
وصلت النهاية التحدي الي غير تفكيري وصلت الى نهاية التحدي الي تغيرت بي جذريا وتغيرت حياتي.
. وحتى بعد نهاية التحدي راح ابقى مستمر بتحقيق احلامي وصلت إلى نهاية التحدي الي كان نقطة بداية بالنسبة الحمزه.
وصلت إلى نهاية التحدي الي صنع حلمي..
. تعلمت من هذا التحدي الاصرار والمثابره والاستمرار.. تعلمت من هذا تعلمت من هذا التحدي القضاء على التسويف بحياتي ووعد نفسي من بداية هذا التحدي بعد مااكو تسويف وتأجيل. وكدرت اقضي على هاي العادة السيئة وهي عادة التاجيل (التسويف)...
وفي هذا التحدي جنت اتعلم اللغه الانكليزيه وايضا ابحث عن المنح واسوي رياضه... المهم اكتسبت هوااي هوااي معلومات صرت اعرف اكتب واقرأ واتكلم انكليزي وتقريبا افهم على الفيديوهات الانكليزيه وطبعا شعوري هسه فد شعوور حلوو ويخبل. وتعلمت الانسان لازم يتعب ويجتهد حتى يكدر يوصل للي يريده ... تعلمت من هذا التحدي الاصرار والمثابره والاستمرار. تعلمت من هذا التحدي الإنسان اذا يبقى بمكانه ومايتعب على نفسه ماراح يطور ولايصير براسه خير..
والحمدلله اني تعبت واجتهدت حتى كدرت اوصل المستواي الحالي.. شكد حلوو من اقطف ثمار تعبي وجهدي واني منتصر انتصار عظيم....
في هذا التحدي اكتسبت أصدقاء جدد أصدقاء رائعين أصدقاء مميزين أصدقاء مليانين طاقه وفرحه وإيجابية وإنجازات أصدقاء يدعموني بكل وقت. أشخاص معرفتهم شرف الي.
وصادف ويه التحدي معرفتي للأشخاص الطيبين للأشخاص الي جان الهم سبب رئيسي باستمراري بالتحدي وجان الهم سبب انو يصير عندي حلم واسعى التحقيقه اشخاص مااعرف شون اوصفهم. كمية الطاقه العدهم وكمية الانجازات اللي مسويها خلتني اتحمس وحتى ابقى واستمر.
ومن ضمنهم (ريهام ويوسف ومحمد)
الاصدقاء كنز وأفضل الكنوز معرفة الطيبين، ذلك ما جعلني أكتب كلمات نابعة من القلب والوجدان ...
والشيء الجميل الي صارلي بهاي ال 30 يوم صار عندي حلم واني عندي ثقه بنفسي وراح اكدر احققه..
وحلمي بالمستقبل ادرس طب باحسن الجامعات بالعالم واصير من احسن وافضل وأكثر الأطباء شهره في العالم.
و بالمستقبل انشاءالله اذا حققت حلمي...
واحد سئلني منو جان السبب بصناعة حلمك.. وشون تغيرت.
راح يكون جوابي..
مرتضى التميمي وريهام ويوسف ومحمد وفريق التحدي. واصدقائي الي جانو مشاركين بالتحدي...
هذولي الأشخاص الهم فضل عليه ماانسى طوول عمري.. وراح يبقون مفضلين عليه إلى المووت...
وهاي ال 29 يوم الراحن ماراح انساهن طوول عمري لان صنعن مني شخص غير إنسان يحجي انكليزي انسان يحب مساعدة الناس انسان عنده أصدقاء ملهمين انسان عنده حلم وطموح..
.
بصراحه هاي ال 29 يووم كلبتني 360 درجه... جنت انسان ميت بالحياة. اقضي يومي فقط اكل وشرب ونوم ومبايل بدون اي انجاز وبدون اي حلم او هدف جانت حياة ممله وكل يوم اريد اتغير بس اتكاسل. ...🙃☹️🙂
بس بفضل هذا التحدي تغيرت حياتي وصرت انسان رائع والحياة صارت حلوه واشوف مستقبلي بكل وضوح صارت عندي رؤية للمستقبل....
واخيرا احبكم كلكم وو اكللكم عيشو حياتكم.
Live your life ❤️❤️❤️❤️❤️❤️
ليست هناك تعليقات:
إرسال تعليق